17.apr.2011

Heisann kjære familie! For det første - takk for alle helsingar på bursdagen min, og til alle som tok seg av gullet mitt medan eg var på tur! Han hadde det som plomma i egget forstod eg :)

Etter at eg kom att frå USA, har livet stort sett berre bestått av dette:



og dette:



Altså, hovedoppåva. MEN, på fredag vart den endeleg levert inn!! So no blir det

påskeferie før dei siste to eksamenane mine - nokon sinne. Sprøtt. 


Eg og Casper gledar oss iallefall veldig til å være litt sosiale igjen.  (Her er

den lille fotomodellen min på ein deilig, vårlig luftetur med mamma.)

 Førstkommande onsdag reiser vi til Førde på påskeferie, og håpar å rekke

innom alle. Og til de som bur for langt vekke, ønsker vi ei kjempefin påske

og fortsatt deilig vår!

 

Konstabel og Leeds-supporter

Siste fredagen i februar var det karneval i Casper sin barnehage, og eg leverte følgande prakteksemplar av ein konstabel:


Og den treffande poseringa gjorde han heilt på eigenhand - eg instruerte

ingenting ;)

Det dukka også opp ein overraskelse frå Morfar i posten - Caspers første, ekte

Leeds-drakt!



Han føyer seg dermed fint inn som tredje generasjons Leeds-supporter

frå Fossenavdelinga...



Til Førde-lesarane kan eg forøvrig nevne at det blir muligheter for å treffe Casper

i Førde i veke 10. I morgon drar mor på kontroll-mestringskonferanse i San

Fransisco, intet mindre. Her skal eg forhåpentlegvis lære mykje nyttig til min

siste eksamen, og gjerne også ha nokre trivelege byturar med mine to beste

venninner, Camilla&Lise.



Då vert det altså først ei helg hos pappa, og så ei veke hos mormor og bestefar.

Mor både gledar seg og kryssar fingrane for at ho blir tilgitt. I følge dr. John

Bowlby er barnets tilknytningsstil allereie forma når barnet er 3 år, så ein

10-dagars separasjon i trygge omgjevnadar skal ikkje kunne gjere noko skade...

Caspers kommentar til saken: JAAAAAAAA!!!! Skal eg spise majones på skiven,

og spise kjeks og sjokolade då?

Det skal han nok.

 

På gjenskriv!

3 år - del 2

 

Tusen takk for alle flotte presangar, takk til kakebakerane og potetskrellarane og oppvaskerane, og ikkje minst, for at så mange kom og var med på feiringa! Trur Casper hadde ein super dag. Og til de som desverre måtte på jobb eller bur for langt vekke, her er nokre glimt frå dagen:


Gaveåpning!



Langbord





Ca tre sekund før Casper lærte livslekse #747: Om du vil

blåse ut dine eigne bursdagslys, så gjer det umiddelbart, eller så gjer

naboen din det for deg.


Casper og Morfar har funne på ein ny leik


Bertine spelar yatzy med mammaen


To stykk Oldefar!


Takk for denne gong, håpar vi sjåast snart igjen!

 

 

3 år

Lørdag kom Casper att frå Gran Canaria tur med bestemor og pappa, og søndag kom mor att frå Tenerife. Vi har hatt det heilt strålande alle saman. Men i tillegg til å nettopp være heime, var vetle-store-gut nokså snufsen etter klimaforandringane, og det vart difor ikkje den mest storslåtte feiringa på sjølve dagen. Det viste seg likevel at bursdagsfeiring for to kan være nokså koseleg, det og.


Av mamma fekk Casper ei bøtte med lego for store gutar, og då bygde vi

denne flotte bilen.


Eg kjøpte også blomster til han, som (litt overraskande) fall i god jord, for

å bruke eit passande uttrykk.


Og sjølvsagt, eit deilig stykke sjokoladekake med tre lys på. Etter å ha

blåst ut lysa, og smakt på ei skei, meddelte han at han "ikkje likar kakar".
Eg trur det var ein høfleg måte å sei "når eg fyller 4 får du søren meg ha

skam nok i livet til å bake meg ei heil kake istadenfor å komme drassande

med ei lite stykke frå Deli De Luca!"



Etter å ha åpna ein slimete frosk og ein politimotorsykkel frå Camilla

(mamma si bestevenninne), og sett litt på dvd, sovna jubilanten på fanget

til mor, som kjende at ho var glad for at ein ikkje er blitt for stor for det sjølv om

ein har fylt heile 3!

 

Ps1: Ser de så fint nytt kamera eg har fått til jul?
Ps2: Håpar alle har fått beskjed om bursdagsfeiringa i Førde!

Dinosaurpepperkaker & DumDum Boys

Juleforberedelsane er i gang for fullt. I helga handla vi litt julegåver, og baka

dinosaur-, kamel-, krokodille-, og bilpepperkaker.

Casper, som er ein fullstendig propell og hissigpropp om dagen, satt

faktisk heilt i ro og kjevla og trykte ut heilt til boksen var tom. (Ja, vi hadde

ferdigdeig.. Det får no være måte på!)


Prøvesmaking. Resultat: M+

Søndag, tente vi adventslys medan vi såg på barne-tv. Mamma fekk også

smetta inn litt tid til å pakke inn gåve og lage kort til teamet sitt på jobben.



I dag var praksisperioden til mamma ferdig. Sett bort i frå at eg ikkje såg

at bommen utanfor plutseleg var nede ein dag (det er den aldri i arbeidstida),

og kjørte heile greia rett ned, så har praksisen gått kjempefint, og det var

vemodig å slutte. Samstundes skal det bli så godt å få gjort ferdig julegåvene,

vaske kle, og vaske huset GRUNDIG, at eg kan ikkje få sagt det. Alt har stått

på vent dei siste månadene.

Minner om at Casper vert å sjå på NRK1 klokka 19.00 førstkommande laurdag,

og avsluttar med min favorittjule/vinterlåt. God helg alle saman!

http://www.youtube.com/watch?v=tOVx7myiXCk

Førjulsgåver

Her om dagen fekk plutseleg mamma&Casper ein overraskelse i posten

frå oldemor på Sørlandet!



Mamma fekk adventslys med glitter på, og Casper fekk ei bok med fine

fortellingar inni - og Bjøøøøørn utanpå!



Den blei lest på senga samme kveld. Tusen takk, Oldemor!

Casper har også arva ein kjempefin duffelcoat frå mamma sin fetter Elias

i Sogndal. Takk til dokke også!

See på den nydelige vintergutten da :)




Full fart!

I helga har mamma&Casper gjort svært spennande ting, sett gjennom snart 3 år gamle auge. Laurdag fekk eg omsider tatt bergensaren min med på hans første bybanetur.



Her står han og venter spent på "toget".


Og her er vi ombord, med rosiner og generelt sett toppen av lykke.

"No kosa vi oss mamma".

Vi køyrde frå ende til annen, heilt til Nesttun, der mamma forsøkte å få

unnagjort litt julegåveshopping i samme slengen. Det var ikkje like populært,

og bestikkelsar måtte til for å halde heile vegen heim.

Søndag reiste vi til eit aktivitetssenter i Åsane som heiter "Baluba". For ein

mamma som ikkje er så god på fysisk leik, er dette ein av dei beste

måtane å anvende ein hundrelapp på på ein søndag!

"Eg e' høyt oppe mamma!!"



Her slo han altså ihjel over to timar, kjempestolt til høgare han klatra og

fortare han rutsja. Mamma  var like fornøgd der ho sat

med kaffikopp, og litt skulearbeid. Dette frista definitivt til gjentagelse!

Endeleg helg...

Snøen er over oss, og gjer det om mogleg endå litt meir kaotisk å fly mellom barnehage og jobb og butikk og middagsgryter og heile den pakka. (Eg trudde eg visste korleis det var å være aleinemor då eg studerte.. haha)

Resultatet av dette såg eg tydeleg for ein liten halvtime sida. Den gretne lille Kaptein Sabeltannen min befalte "eg må se byggmester bob" med ein gong han kom inn døra og fekk av parkdressen. Eg sette lydig på dvd'en til han, før eg sette Lady Gaga høgt på til meg sjøl og gjekk inn på kjøkkenet for å begynne på middagen. Då songen var ferdig, tykte eg at eg hørte snorking frå stova, og gjekk ut for å sjå:



Det er tydeleg ganske travle dagar i Øyjorden Barnehage også!

Apropo helg, så slenger eg med eit lite bilete frå forrige helg. Når borna er

på fjellet med pappaen sin, dansar musene på bordet, som dei seier...


(Sjølvsagt er det ikkje ein ekte røyk, mamsen...)

To babyprosjekt

Enkelte har ymta om at vi oppdaterer ganske sjeldan, og at bloggen kanskje ikkje heilt reflekterer verkelegheita.. Vel, den gjer jo det, det er jo sant det eg legg ut. Berre at det er som regel når vi gjer noko pedagoisk riktig, så derfor vert det ikkje så ofte.. ;)

Men her kjem det to heilt vanlege, kvardagslege bilete frå to ulike babyprosjekt. I dag hadde vi nemleg babyhamburgera til middag. (Både minibrød og miniburgera kjøpes på Rema 1000, men det går sjølvsagt også an å lage sjøl, om ein har mykje fritid..) Det var stor stas å få designe sjøl!



Mamma er også endeleg ferdig med eit strikkeprosjekt ho har dilla med på kveldstid sidan i sommar. Verdas treigaste strikkar! No er det iallefall sendt; eit kuvøseteppe, ei hue og to små sokkar til prematuravdelinga på Stavanger universitetssjukehus.



Kvar baby får sitt sett med seg heim etter sjukehusopphaldet, så dei treng stadig nye. Om andre har lyst å bidra kan de sjå på http://www.personligstrikk.blogspot.com

Apropo innsamling har vi fått inn to nydelege fiskar til gutterommet! Tuuusen takk til morfar&Gunnvor og til onkel Niclas. Kjem nok bilete av desse også med tid og stunder ;)

 

Fysøren!

For nokre veker sidan (jaaa, det er grisetravelt i praksis og ting tar tid..) var Casper hos fysøren for første gong. Eller frisøren, som dei fleste av oss kallar det. Mor byrja oppvarmingen med pizza på sjappa ved sida av, og eit forsøk på ein pedagoisk samtale om det som skulle skje.

 

Det fungerte imidlertid ikkje nevneverdig. For sjølv om han var både preppa og mett og god, og frisørdama drog fram bilstol og dvd med Pingu og visste korleis ein snakkar med ungar, så stirra han berre hatsk på ho. Tidvis med tunga dinglande ut av munnen i tillegg. Eit riktig sjarmtroll..

Men når Pingu var godt i gang over isen, og Casper låg i krøkete stilling over bilstolen og tviheldt meg i handa, så sneik frisøren seg til nokre stuss her og der. Kvar gong han kom på kvar han var, kikka han opp, og laga evil eyes eller sureleppe, og då trakk frisørdama seg tilbake med saksa bak ryggen. Og så fort Pingu ropte noko interessant, var ho der igjen. Mamma var meget imponert, og skal definitivt tilbake på Ramonas i Helleveien neste gong hockeyen vert for lang.



Til slutt var vi innom Rema og belønna oss sjølv med ein is. Då var alt topp, og Casper såg seg fornøgd i speilet fleire gongar og konstanterte "emå klippe håret. Fin håret!". Kanskje det går betre neste gong?



(Og nei, dettte biletet er faktisk ikkje manipulert, sjølv om det kunne glidd rett inn i ein reklamekampanje for klovneis...)

Les mer i arkivet » April 2011 » Mars 2011 » Februar 2011
hits